Шүменов Головкинді басып озып, «Жыл қазағы» атанды
Ресейлік беделді Sports.ru порталының нұсқасы бойынша «Жыл қазағы» атағы WBA тұжырымы бойынша орта ауыр салмақтағы әлемнің суперчемпионы Бейбіт Шүменовке берілді.
Бейбіт Шүменов Эл Хэймонмен келісімшартқа отырды. Енді ол Ковалев, Хопкинс және Стивенспен жұдырықтасуы мүмкін, деп жазылған мақалада.
Өткен жылдың желтоқсан айында Бейбіт Шүменов бір жарым жылдық үзілістен соң шаршы алаңға қайта оралды. Қазақстандық боксшы словак Тамаш Ковачпен жекпе-жек өткізіп, техникалық нокаутпен жеңіске жетті. Чемпиондық атағын үш раундта қорғады.
Айта кетейік, Геннадий Головкин 2013 жылы төрт жекпе-жек өткізіп, төртеуін де мерзімінен бұрын аяқтады. Sports.ru порталы «Жыл нокауты» тізіміне Головкинның Нобухиро Ишида мен Мэттью Маклинмен болған жекпе-жегін енгізді.
