Астанада бокстан Қазақстан, Ұлыбритания, Ресей және Өзбекстан құрамаларының жекпе-жектерi басталды
Астанада «Жастар» сарайында бокстан Қазақстан, Ұлыбритания, Ресей және Өзбекстан құрама командаларының матчтық жекпе-жектерi басталды. Жарыс 19 ақпанға дейiн жалғасады.
Бүгiн, 16 ақпанда Ресей-Өзбекстан, Ұлыбритания-Қазақстан матчтары өтедi. 17 ақпанда Ұлыбритания мен Ресей, Өзбекстан мен Қазақстан өзара қолғап түйiстiрмек. 19 ақпанда Ұлыбритания Өзбекстанмен, Ресей Қазақстанмен күш сынасады.
Қазақстан сапында Бiржан Жақыпов, Ерлан Тамемов, Қайрат Ералиев, Берiк Әбдiрахманов, Алмасбек Әлiбеков, Айдар Әмiрзақов, Данияр Елеусiнов, Сапарбай Айдаров, Әдiлбек Ниязымбетов, Жан Кособуцкий бар.
«Бұл - жолдастық кездесу. Төрт елдi бiрiктiрген турнир негiзiнен тәжiрибе жинақтау үшiн ұйымдастырылды», - дейдi Қазақстан Ұлттық құрамасының бапкерi Мырзағали Айтжанов.
