Польшалық боксшы Шүменовпен жұдырықтасуға ниетті
Польшалық боксшы Анджей Фонфара алдағы уақытта канадалық Адонис Стивенсонды, кейін қазақстандық Бейбіт Шүменовты нокаутқа жіберетінін мәлімдеді.
26 жастағы польшалық боксшы WBA тұжырымы бойынша жартылай ауыр салмақтағы суперчемпион Бейбіт Шүменовпен шаршы алаңда қолғап түйістіруге ниетті.
Айта кетейік, Анджей Фонфара 24 мамыр күні Монреальде жекпе-жек өткізеді. Оның қарсыласы –WBC тұжырымы бойынша Әлем чемпионы Адонис Стивенсон. Ол қарсыласын бесінші раундта нокаутқа түсіретінін айтып отыр.
Ал Бейбіт Шүменов өзінің жекпе-жегін 19 сәуірде Вашингтонда өткізеді. Оның қарсыласы – америкалық Бернард Хопкинс.
