Sports Illustrated журналының нұсқасы бойынша Геннадий Головкин үздік 10 боксшының қатарына енді
Кәсіпқой бокстан WBA және IBO тұжырымы бойынша Әлем чемпионы Геннадий Головкин танымал америкалық Sports Illustrated журналының нұсқасы бойынша Pound for pound (P4P) рейтингінде үздік ондыққа кірді.
Басылымның сайтындағы жаңартылған рейтингте Геннадий Головкин 15 боксшының арасында 8-ші орында тұр. Ол соңғы жекпе-жегінде ганалық Осуману Адаманы нокаутқа жіберген еді. Қазақстандық боксшы осы жазда әлемнің экс-чемпионы, мексикалық Хулио Сезар кіші Чавеспен жекпе-жекке шығуды жоспарлап отыр.
Ал Sports Illustrated басылымының нұсқасы бойынша топ басында - америкалық Флойд Мэйвезер. Екінші орында оның отандасы – Андре Уорд. Ал өткен жексенбіде америкалық Тимоти Брдэлиді жеңіп, чемпиондық атағын қайтарып алған филиппиндік Мэнни Пакьяо үздік үштікті түйіндеді.
Sports Illustrated журналының нұсқасы:
1. Флойд Мэйвезер
2. Андре Уорд
3. Мэнни Пакьяо
4. Серхио Мартинес
5. Владимир Кличко
6. Гильермо Ригондо
7. Хуан Мануэль Марке
8. Геннадий Головкин
9. Майки Гарсия
10. Тимоти Брэдли
11. Нонито Донэр
12. Абнер Марес
13. Дэнни Гарсия
14. Роман Гонзалес
15. Эрисланди Лара
