Василий Левит: Міндет біреу – тек жеңіс
Бүгін Астанада Дүниежүзілік бокс сериясының жартылай финалындағы «Астана арландары» мен «Баку оттары» арасындағы бірінші кездесу өтеді. Бұл кеште шаршы алаңға соңғы болып ауыр салмақтағы боксшылар Василий Левит пен Абдулкадыр Абдуллаев көтеріледі. Қазақстандық боксшы бұл жекпе-жекке тас-түйін дайын екенін мәлімдеді.
«Бүгін тамаша жекпе-жектер болады деп үміттенемін. Барлық күш-жігерімді саламын. Бұл – жартылай финал. Міндет біреу – тек жеңіс. «Баку оттары» - мықты қарсылас. Өйткені, жартылай финалға шықты. Жекпе-жекке дайынмын», - дейді Василий Левит.
Айта кетейік, бұған дейін әзірбайжандық боксшылардың бас бапкері Нурипаша Талибов бірінші кездесудегі ең тартысты жекпе-жек Василий Левит пен Абдулкадыр Абдуллаев арасында өтеді деп айтқан еді.
Айта кетейік, бұл жекпе-жекті «KAZsport» телеарнасы тікелей эфирде көрсетеді. Сонымен қатар, www.kazsporttv.kz сайты арқылы онлайн-трансляция жүргізіледі. Басталуы – 19.50.
