Головкин мен Гил арасындағы келіссөз аяқталуға жақын
WBA және IBO тұжырымдары бойынша орта салмақтағы Әлем чемпионы Геннадий Головкин (29-0, 26 КО) 26 шілдеде Madison Square Garden аренасында 11-ші рет чемпиондық атағын қорғайды.
WBO және IBF тұжырымдары бойынша бұрынғы әлем чемпионы австралиялық боксшы Дэниэл Гилдің (30-2, 16 КО) командасымен келіссөз сәтті өтуде және аяқталуға жақын.
Екі жақтың заңгерлері қол қойғаннан кейін жекпе-жек туралы ресми хабарландыру алдағы күндері жариялануы керек.
Дүниежүзілік бокс қауымдастығы бұған дейін қазақстандық боксшыны австралиялық Джаррод Флетчермен жұдырықтасуға міндеттеген еді. Тараптардың мәселелерін реттеуіне бір ай уақыт берілді. Алайда Головкин командасының басқа жоспарлары болды.
Бұған дейін Геннадий Головкин командасы мексикалық боксшы Хулио Сезар кіші Чавеспен келіссөздерді үзді, америкалық Питер Куиллиннің ұсынысы қанағаттандырмады.
