Серік Сәпиев: Мен боксқа 10 жасымда келдім, 28 жасымда Олимпиада чемпионы атандым

Бүгін, бокстан Олимпиада чемпионы Серік Сапиев ҚР Тұңғыш Президенті Мұражайында спорт саласындағы дарынды балалармен  кездесті.
 Боксшы жас дарындарға алға мақсат қоя білу қажеттігін, оған жету жолындағы қиындықтарға мойымау керектігін айтты.
  «Мен боксқа 10 жасымда келдім, 28 жасымда Олимпиада чемпионы атандым. Мақсатыма қол жеткізу үшін мен 18 жыл дайындалдым. Алғашында Олимпиада туралы ойлаған да жоқпын. Кейін спорт шебері нормативін орындағаннан кейін, өз мүмкіндіктерімді сезіне бастадым. Содан кейін барып бокста бір жетістікке жету мақсаты пайда болды»,  деді С.Сапиев.
 «Біз, спортшылар, салауатты өмір салтын насихаттауымыз керек. Қазақстан халқы спортпен жаппай  айналысатын елге айналуы тиіс», деді боксшы кездесуде.
 

Фото: kfb.kz
ҚазАқпарат