Қанат Ислам әлемдегі ең қарқынды боксшылардың тізіміне енді
Қазақстандық кәсіпқой боксшы Қанат Ислам колумбиялық Франциско Кордероны жеңгеннен кейін боксшылар рейтингінде 24 сатыға жоғарылады.
Қазір Қанат Ислам жалпы рейтингте 82-ші орында, ал орта салмақтағы боксшылардың ішінде үздік ондыққа кіреді.
Boxrec.com порталы оны кәсіпқой бокста тез қарқын алып келе жатқан боксшылардың тізіміне енгізді.
Айта кетейік, Қанат Ислам 23 мамырда Франциско Кордеродан басым түсті. Үшінші раундта қарсыласы жекпе-жекті жалғастырудан бас тартты. Бұл -Қанаттың кәсіпқой бокстағы 17-ші жеңісі.
