Chemistry Cup 2014. Қазақстандық боксшылар 1 «алтын» және 3 «қола» еншіледі

Германияның Галле қаласында өткен Chemistry Cup 2014 кубогында қазақстандық боксшы Ілияс Сүлейменов чемпион атанды. Оның қарсыласы молдовалық Александр Рышкан ақтық бәсекеге шықпады.

49 келіде Теміртас Жүсіпов  күміс медальға ие болды. Ол финалда Оңтүстік Корея боксшысы Джонгун Шинға есе жіберді.

60 келіде жұдырықтасқан Берік Әбдірахманов та күміс жүлдегер атанды. Әлем чемпионатының қола жүлдегері финалда ирландиялық Дэвид Джойсты жеңе алмады.

Ұлттық құрама қоржынына үшінші күміс жүлдені Әділбек Ниязымбетов салды. Ол финалда ирландиялық боксшы Джо Уардпен кездесті. Жекпе-жек 2:1 есебімен ирландиялық боксшының пайдасына шешілді. 

 «Chemistry Cup 2014» турнирінде қазақстандық боксшылар 1 алтын және 3 күмісті еншіледі.  Алмасбек Әлібеков (64 келі)  пен Рүстем Сыбаев (69 келі) іріктеу кезеңінен сүрінді.

Кіші әлем чемпионатында жеңіске жеткен қазақстандық боксшылардың тізімі:

1995 – Василий Жиров

1996 – Болат Жұмаділов, Василий Жиров

1997 – Болат Жұмаділов, Серік Өмірбеков

1998 – Ермахан Ыбрайымов

2001 – Бауыржан Қайырменов

2005 – Серік Сәпиев, Бақыт Сәрсекбаев

2006 – Галиб Жафаров, Қанат Ілиясов

2007 – Серік Сәпиев, Ердос Жаңабергенов

2012 – Серік Сәпиев

2013 – Біржан Жақыпов, Мерей Ақшалов

2014 – Ілияс Сүлейменов