Қазақстандық 5 боксшы AIBA Pro Boxing жобасына қатысады

24 қазан күні Халықаралық әуесқой бокс қауымдастығы ұйымдастырған қазақстандық 5 боксшы қатысатын (AIBA) AIBA Pro Boxing жаңа жобасының алғашқы жекпе-жектері басталады, деп хабарлайды vesti.kz. Жарыс төрт кезеңнен тұрады. Үш кезеңнен кейін әр салмақ бойынша екі мықты боксшы анықталып, кейін олар чемпиондық атақ үшін сынға түседі. Бірінші кезеңде спортшылар 3 минутан 6 раунд, ал финалда 8 раунд жұдырықтасатын болады. Қазақстан атынан жобаға Әлем чемпионы Біржан Жақыпов (49 келіге дейін), Азия чемпионатының жүлдегері Ілияс Сүлейменов (52 келіге дейін), Әлем чемпионатының қола жүлдегері Берік Әбдірахманов (60 келіге дейін), Лондон Олимпиадасының күміс жүлдегері Әділбек Ниязымбетов (81 келіге дейін) және Азия чемпионы Антон Пинчук (91 келіге дейін) қатысады. Қазақстандық спортшылардың қарсыластары арасында Олимпиада және Әлем чемпиондары бар: 49 келіге дейінгі салмақ: Шин Йонхун (Оңтүстік Корея), Давид Айрапетян (Ресей), Марк Энтони Баррига (Филиппин), Лу Бинь (Қытай), Біржан Жақыпов (Қазақстан), Патрик Лоуренсо (Бразилия), Леандро Бланк (Аргентина). 52 келіге дейінгі салмақ: Александар Александров (Болгария), Редуан Аслум (Франция), Мохаммед Флисси (Алжир), Ферандо Мартинес (Аргентина), Миша Алоян (Ресей), Ілияс Сүлейменов (Қазақстан), Жасурбек Латипов (Өзбекстан), Винченцо Пикарди (Италия), Элиас Эмигдио (Мексика). 60 келіге дейінгі салмақ: Дмитрий Полянский (Ресей), Робсон Консейсао (Бразилия), Берік Әбдрахманов (Қазақстан), Доменико Валентино (Италия), Хуршид Тожибаев (Өзбекстан), Артур Бриль (Германия), Чарли Суарез (Филиппин), Дэвид Джойс (Ирландия). 81 келіге дейінгі салмақ: Спас Генов (Болгария), Эхсан Рузбахани (Иран), Мэтью Бадерлик (Франция), Никита Иванов (Ресей), Әділбек Ниязымбетов (Қазақстан), Ойбек Мамазулунов (Өзбекстан), Абдельхафид Беншабла (Алжир), Джо Уорд (Ирландия). 91 келіге дейінгі салмақ: Тервел Пылев (Болгария), Джавонта Чарльз (АҚШ), Клементе Руссо (Италия), Шуаиб Булудинатс (Алжир), Эмир Ахматович (Германия), Ямиль Перальта (Аргентина), Алексей Егоров (Ресей), Антон Пинчук (Қазақстан). Айта кетейік, әр салмақтағы жарыс әр мемлекетте өткізіледі. Мысалы, 60 келіге дейінгі салмақтағы жекпе-жектер Қазақстанда болады. Жоба қазанда басталып, қаңтарда аяқталады. Әр салмақ жеңімпазы Рио-де-Жанейроға жолдама алады. AIBA Pro Boxing өтуіне байланысты V Дүниежүзілік бокс сериясының уақыты шегерілді. Енді ол 2015 жылдың ақпан айында басталады.