Біржан Жақыпов APB Pro boxing жобасының алғашқы жекпе-жегінде жеңіске жете алмады

Бокстан Қазақстан Ұлттық құрамасының мүшесі, 2013 жылғы Әлем чемпионы Біржан Жақыпов (49 келі) Халықаралық әуесқой бокс қауымдастығының APB Pro boxing жобасының алғашқы жекпе-жегінде жеңіліске ұшырады.

Қытайдың Фошан (Гуандун провинциясы) қаласында өткен сайыста отандасымыз қытайлық боксшы Лу Биннен 3:0 (58:56, 58:56,58:56) жеңіліп қалды. Бұл туралы Қазақстанның бокс федерациясының баспасөз қызметінен хабарлады.

Осы салмақ категориясындағы басқа сайыстардың нәтижесі мынадай:

Давид Айрапетян (Ресей) - Карлос Пилатакси (Эквадор) 0:3.

Леандро Бланк (Аргентина) - Марк Баррига (Филиппин) 0:3.

Жонглин Ву (Қытай) - Патрик Чагас (Бразилия) 2:1.

Қазақстандық боксшылар үшін APB Pro boxing жобасының алғашқы туры аяқталды. Бұған дейін Берік Әбдірахманов (60 кг), Антон Пинчук (91 кг дейін) және Ілияс Сүлейменов өз жекпе-жектерін жеңіспен аяқтаса, Әділбек Ниязымбетов (81 кг) қарсыласына есе жіберіп алды.