«Kazsport» телеарнасы «EXPO 2017 Football Cup» халықаралық футбол турнирін тікелей эфирде көрсетеді

2017 жылдың 5-6 тамызы күндері  «Астана Арена» спорт стадионында «EXPO 2017 Football Cup» халықаралық футбол турнирі өтеді. Жарыстың бас ақпараттық демеушісі -  «Kazsport» телеарнасы.

Бәсекеге Қазақстан, Ресей, Италия, Германия, Португалия және Әлем құрамалары қатыспақ. «ЭКСПО кубогының» барысында Астана тұрғындары мен қала қонақтары Кевин Кураньи, Дино Баджо, Марко Дельвеккио, Нуну Манише, Яри Литманен, Эрнан Креспо, Жан-Пьер Папен, Роман Широков, Валерий Карпин, Александр Филимонов секілді әлем футболында өзіндік із қалдырған шеберлердің өнерін тамашалай алады.

Ал,  Қазақстан құрамасының атынан  Олег Воскобойников, Игорь Авдеев, Андрей Карпович, Қайрат Әубәкіров, Мұрат Тілешев, Нұрбол Жұмасқалиев және Андрей Финонченко сынға түседі.

Турнирдің төрешілер алқасының тізгінін кезінде ФИФА төрешілер департаментінің жетекшісі болған,  әйгілі швейцариялық қазы Массимо Бузакка ұстамақ. 

«Kazsport» телеарнасы «EXPO 2017 Football Cup» халықаралық футбол турнирінің барлық матчтарын тікелей эфирде көрсетеді.         

«EXPO 2017 Football Cup» халықаралық футбол турнирінің ойын кестесі:

I күн (5 тамыз)

11:30 – 12:00 Салтанатты ашылу рәсімі

12:00 – 12:45 1 матч. А тобы

13:00 – 13:45 2 матч. Б тобы

14:00 – 14:45 3 матч. А тобы

15:00 – 15:45 4 матч. Б тобы

16:00 – 16:45 5 матч. А тобы

17:00 – 17:45 6 матч. Б тобы

II күн (6 тамыз)

14:30 – 15:15 Бесінші орын үшін матч

3A – 3Б

15:30 – 16:15 Үшінші орын үшін матч

2А–2Б

16:30 – 17:15 Финал

1A-1Б

17:15 – 17:40 Марапаттау рәсімі