WSB: «Aстана Арландары» бесінші рет жеңіске жетті
«Астана Арландары» 5:0 есебімен «Puerto Rico Hurricanes» командасын ұтты.
49 келі салмақта жұдырықтасқан Мардан Берікбаев Энтони Ортизді айқын басымдылықпен жеңді. Есеп - 3:0.
56 келі салмақта Мейірболат Тойытов қарсыласы Гомес Гарибалдиге еш мүмкіндік қалдырмай, жеңіске жетті. Бірінші раундта нокдаун алған Гарибалди, екінші раундта техникалық жеңіліс алды.
64 келіде жекпе-жек өткізген «Астана арландарының» капитаны Самат Бәшенов қарсыласы Ривера Яннды 3:0 есебімен жеңді.
75 келі салмақта жұдырықтасқан Жәнібек Әлімханұлы қарсыласы Джеффри Фласты бір раундттың ішінде нокаутқа түсірді.
Ауыр салмақта (91 келі) шаршы алаңға шыққан Василий Левит қарсыласы Ричард Джонсонды екінші раундта техникалық нокаутпен жеңді.
Енді 21 ақпанда қазақстандық команда Алматыда аргентиналық «Argentina Condors» командасымен сынға түседі.
