«Астана арландары» мен «USA Knockouts» клубы жекпе-жекке шығатын боксшылар тізімін жариялады
Дүниежүзілік бокс сериясына (WSB) қатысып жатқан «Астана арландары» мен америкалық «USA Knockouts» клубы жекпе-жекке шығатын боксшылар тізімін жариялады.
49 кг: Франко Джошуа - Теміртас Жүсіпов
56 кг: Мартинес Франциско - Мейірболат Тоитов
64 кг: Ирби Тайрек - Самат Бәшенов
75 кг: Хендерсон Кэлвин - Мейірім Нұрсұлтанов
91 кг: Тэйлор Эдриан - Василий Левит
Қос клуб арасында өткен алғашқы айналымдағы жекпе-жекте «Астана арландары» АҚШ боксшыларын 5:0 есебімен ұтқан.
Өткен турда «арландар» өз алаңымызда әзірбайжандық «Baku Fires» клубын 4:1 есебімен ұтқан болса, америкалық «USA Knockouts» клубы «Caciques de Venezuela» боксшыларынан дәл осындай есеппен жеңілген.
Оныншы турдан кейін «Астана арландары» 30 ұпаймен «В» тобында жекедара көш бастап келеді. Ал, «USA Knockouts» бокс клубы 18 ұпаймен үшінші орында.
«Астана арландары» мен «USA Knockouts» клубы арасындағы кездесу 28 наурыз күні өтеді.
