«Astana Arlans» командасының жартылай финалдық кездесуі Астанада өтеді
Бүкіләлемдік бокс сериясы (WBS) аясында сынға түсіп жатқан «Astana Arlans» командасының жартылай финалдық кездесуі Астанада өтпек, деп хабарлайды клубтың баспасөз қызметі.
Аталмыш кездесу 23-24 мамыр күндері «Дәулет» спорт кешенінде өтеді.
Қазақстандық команданың қарсыласы 10-11 мамыр аралығында өтетін «Italia Thunder» мен «Russian Boxing Team» командаларының арасындағы ширек финалдық сайыстан кейін белгілі болады.
