Дариға Шәкімова бокстан қыздар арасындағы Азия чемпионатының финалына шықты
Жартылай финалға шыққан төрт боксшымыздың үшеуі қарсыластарынан жеңіліп, қола медальға ие болды.
Гаухар Ермекбай ( 69 кг) қытайлық Хонг Гуға 0:3, Мөлдір Базарбаева (81 кг) тағы бір қытайлық боксшы қыз Хаоли Янгқа - 1:2 есебімен ұтылып қалды. Ал, 81 келіден жоғары салмақтағы Ләззат Күнгебаева өзбекстандық Гузель Исматовамен рингке шығып, жарақатына байланысты жарысты жалғастыра алмады.
75 келі салмақтағы Дариға Шәкімова Сайон Сеонгті - 3:0 есебімен ұтып, финалға шықты.
