Туреано Джонсон: Головкин IBF чемпиондық атағы үшін міндетті қарсыласым

Орта салмақтағы IBF рейтингінің №1 боксшысы Туреано Джонсон (19-1, 13 КО) Геннадий Головкинмен (34-0, 31 КО) жекпе-жегі туралы ешқандай нақты жауап айтпауда. Сондықтан әзірге екі спортшы арасындағы келіссөздер қандай деңгейде екені белгісіз. Алайда, Джонсонның сөзінше бұл дивизионда Головкиннен де басқа көптеген қарсыластар бар. «Дәл қазір Головкинді жекпе-жекке шақырудың қажеті жоқ. Себебі ол онсыз да менің міндетті қарсыласым. Мен тек өз мүмкіндігімді күтудемін. Әзірге келіссіөздер туралы ештеңе айта алмаймын. Сонымен қатар, менің мақсатым тек Головкинмен кездесу емес. Мүмкіндік болса «Канело» Альварес, Дэниел Джейкобс, Сондерспен де қолғап түйістіруге болады. Тіпті, суперорта салмаққа көтеріліп, онда да чемпиондық атақ үшін күресе аламын», - деп келтіреді Джонсонның сөзін World Boxing News.