Мэнни Пакьяо: Олимпиадада Филиппин елінің атынан шығу мен үшін құрмет
37 жастағы филиппиндік кәсіпқой боксшы Мэнни Пакьяо 2016 жылғы Олимпиадаға кәсіби ойыншыларды қатыстыру туралы шешім қабылданса, өз елі үшін рингке шыққысы келетінін айтты, деп жазады sport-express.ru сайты.
«Олимпиадада Филиппин елінің атынан шығу мен үшін құрмет болатын еді. Мені жарысқа қатысуға Халықаралық әуесқой бокс федерациясының президентінің өзі шақырған. Неге бармасқа? Мен елім үшін тағы бір пайдалы іс жасағым келеді», - дейді Мэнни Пакьяо.
Бұған дейін оның промоутері Боб Арум Мэнни Пакьяо Олимпиадаға қатыса алмайтынын мәлімдеген еді.
