Қазақстандық кәсіпқой боксшы Иса Ақбербаев келесі жекпе-жегін 30 сәуірде өткізеді
32 жастағы Иса Ақбербаев кездесуін Данияда өткізеді. Жекпе-жек 12 раундқа жоспарланған. Сондай-ақ, Ақбербаев бірінші ауыр салмақтағы өзінің Global Boxing Council белбеуін қорғауы мүмкін.
Boxrec.com сайтының мәліметінше, отандасымыздың қарсыласы әлі анықталмаған. Қазірге дейін Иса Ақбербаев 16 жекпе-жек өткізіп, 11 кездесуін нокаутпен аяқтаған.
Айта кетейік, бұл Иса Ақбербаевтың 2016 жылғы бірінші жекпе-жегі болмақ. Ол соңғы жекпе-жегін былтыр маусым айында бразилиялық Жулио Сезар Дос Сантоспен өткізіп, жеңіске жеткен еді.
