Ертең Алматыда үлкен кәсіпқой бокс кеші өтеді

Ертең Алматыда ел Тәуелсіздігінің 25 жылдығы құрметіне үлкен кәсіпқой бокс кеші өтеді. Шара Қазақстан халқы Ассамблеясы, «Нұр Отан» партиясы және Қазақстан кәсіпқой бокс федерациясының қолдауымен іске асуда. 

Кештің негізгі ұйымдастырушысы - «Қазақстан ұйғырларының республикалық этно-мәдени орталығы» ҚБ, ал, жекпе-жектердің ұйымдастырушылары -  «Tiger Promotions» пен «023» ҚҚ.

«Tiger Promotions» кештің басты оқиғасы - Жаһандық боксшылар кеңесінің нұсқасы бойынша бірінші ауыр салмақтағы Әлем чемпионы титулына таласатын Иса Ақбербаев  (17-0, 12КО) пен Майк Курцвейл (16-6, 16КО) арасындағы кездесу. 

Тағы да екі титулдік жекпе-жекті Алтынбек Нұрдаулетовтың «Alban Boxing Promotions» компаниясы өкілдері өткізеді. Біріншісі -  жартылай орта салмақта өнер көрсететін қазақстандық Александр Журавский (12-2, 10КО) мен таиландтық Патомсюк Патомпотонг (33-4, 20КО)  арасындағы WBO Оriental белбеуі үшін жекпе-жегі. 

Ал, екіншісі отандасымыз Ернар Ешенов (3-0, 2КО) пен танзаниялық Ибрагимом Маокола (11-5, КО8) арасындағы WBC Youth Intercontinental белбеуі үшін болады.