Головкин танымал тележүргізушіні әзіл ретінде спаррингке шақырды (ВИДЕО)
WBA (Super), IBO, WBC және IBF тұжырымдары бойынша орта салмақтағы Әлем чемпионы Геннадий Головкин (37-0, 33 КО) америкалық тележүргізуші, актер Марио Лопесті әзіл ретінде спаррингке шақырды.
Бұл туралы тележүргізуші Twitter желісіндегі парақшасында хабарлап, Головкиннің видеоүндеуін жариялады.
@GGGboxing is awaiting my arrival next week to Big Bear... pic.twitter.com/QHdQJxvc90
— Mario Lopez (@MarioLopezExtra) 27 июля 2017 г.
«Марио, қайдасың? Маған спарринг керек. Сен маған керексің, кел», - деген болатын отандасымыз видеода.
«GGG менің келесі аптада Big Bear-ға келгенімді күтіп отыр», - деп жазды Марио Лопес жауап ретінде.
Естеріңізге сала кетейік, Головкин келесі жекпе-жегін мексикалық Сауль Альвареске қарсы өткізеді. Кездесу 16 қыркүйекте Лас-Вегастағы «T-Mobile» спорт кешенінде өтпек.
