Қанат Исламның қатысуымен өтетін бокс кешінің билеттері құны белгілі болды
9 қыркүйек күні Астана қаласында Қанат «QAZAQ» Исламның қатысуымен өтетін бокс кешінің билеттері құны белгілі болды. Бұл туралы қазақстандық боксшының PR-менеджері Берік Сұлтан хабарлады.
Жекпе-жек кешінің ең арзан билеттері 2000 теңгеден басталса, орташа бағадағы билеттердің құны 5000 және 7000 теңге тұрады. Ал, ең қымбат билетті көрермендер 10 000 теңгеге сатып ала алады.
Айта кетейік, бокс кеші «Сарыарқа» велотрегінде өтеді. Кештің басты жекпе-жегінде бірінші орта салмақтағы WBO NABO және WBA Inter-Continental тұжырымдары бойынша Әлем чемпионы Қанат «QAZAQ» Ислам (24-0, 19 КО) өз белбеулерін канадалық Брэндон Кукқа (18-0, 11 КО) қарсы өтетін жекпе-жекте қорғайды.
Одан бөлек, бұл күні шаршы алаңға Жанқош Тұраров, Жәнібек Әлімханұлы, Мейірім Нұрсұлтанов, Руслан Мырсатаев, Әли Ахмедов, Айдос Ербосынұлы, Димаш Ниязов және Нұрсұлтан Жаңабаев секілді отандастарымыз шығады.
