Данияр Елеусінов пен Димаш Ниязов Джейкобстың андеркартында жұдырықтасады

2016 жылғы Рио ойындарының чемпионы қазақстандық боксшы Данияр Елеусінов 28 сәуірде  Бруклиндегі Barclays Center аренасында өтетін бокс кешінің андеркартында жұдырықтасады. Бокс кешінің басты оқиғасы - америкалық орта салмақтағы Дэниэл Джейкобс (33-2, 29 КО) пен польшалық Мацей Сулецкидің (26-0, 10 КО) кездесуі болады.

Елеусінов орта салмақта өнер көрсетіп, кәсіпқой боксатағы алғашқы кездесуін өткізеді. Айта кетейік, наурыз айының басында қазақстандық спортшы ұлыбританиялық промоутер Эди Хирнмен келісімшарт жасасқан болатын.

Сондай-ақ, бокс кеші аясында Қазақстан тумасы Димаш Ниязов (13-0-3, 6 КО) жұдырықтасады. Қазақстандық боксшылардың қарсыласы кім екені әзірше белгісіз.

Еске сала кетейік, Димаш Ниязов осыған дейін де Джейкобстың андеркартында жұдырықтасқан болатын. Боксшы былтыр қараша айында амеркиалық Агустин Маурасты бесінші раундта техникалық нокаутпен жеңген еді