Батыр Жүкембаев WBC тұжырымының белбеуін жеңіп алды
Қазақстандық кәсіпқой боксшы Батыр Жүкембаев WBC тұжырымының Америка аймағы бойынша чемпиондық атағын жеңіп алды.
Давид Лемье-Карим Ашур арасындағы кездесудің андеркартында жұдырықтасқан Батыр Жүкембаев шаршы алаңдағы кезекті жеңісіне қол жеткізді. Отандасымыз тартысқа толы өткен кездесуде Оңтүстік Америка аймағының және WBC ұйымының күміс белбеуінің иегері аргентиналық Джонатан Хосе Энизді (20-9-1, 7 КО) 7 раундта техникалық нокаутпен жеңіп, WBC ұйымының Америка аймағы бойынша вакантты белбеуін иеленді.
Сондай-ақ, аталмыш бокс кешінде тағы бір отандасымыз Садриддин Ахмедов кезекті жекпе-жегінде жеңіске жетті.
Оның қарсыласы Ариел Алехандро Замперди (9-3-0, 7) болды. Салмақ өлшеу рәсімінде қос боксшы да бірінші орта салмақ (69,8 кг) лимитінен асқан жоқ. Садриддин қарсыласын алғашқы раундта сұлатып түсіріп, нокаутпен жеңіске жетті.
