Бокстан Президент Кубогінің екінші жарыс күні аяқталды
Бокстан Президент Кубогінің екінші жарыс күні аяқталды. Бокс бәсекесінің алғашқы күнінде Қазақстан спортшыларының басым бөлігі жеңіске жетіп келесі кезеңге жолдама алды.
Ерлер арасында ширек финалға шыққан боксшылар белгілі болды. Әнуар Мұзапаров өзбек боксының ардагері Жасурбек Латиповпен жолығады.
Сондай-ақ, Президент Кубогінің ширек финалына Әділет Құрметов, Теміртас Жүсіпов, Зәкір Сафиуллин, Бекдәулет Ибрагимов, Абылайхан Жүсіпов, Асланбек Шымбергенов, Әбілхан Аманқұл, Тұрсынбай Құлахмет, Ерік Әлжанов, Бек Нұрмағамбет, Василий Левит. Назым Қызайбай және басқа да қазақстандықтар шықты.
Естеріңізге сала кетейік, Қазақстан жарысқа үш құраманың спортшыларын қосып отыр.
Президент Кубогі турнирі 10 маусымға дейін жалғасады және «QAZSPORT» арнасынан тікелей эфирде көрсетіледі.
