Бобыржан Момынов чемпиондық атақ үшін таласады

Қазақстандық кәсіпқой боксшы Бобыржан Момынов  (8-0, 7КО) 15 қыркүйекте Ақтөбе қаласында өтетін бокс кешінде  WBS нұсқасы бойынша Азия чемпионаты атағы мен  NBA тұжырымдары бойынша  Inter - Сontinetal  чемпиондық атағы үшін филиппиндік Джанджеси Ибгоспен (13-3, 11КО) таласатын болады.

Сондай-ақ, кәсіпқой бокс кешінде Айдос Ербосынұлы, Руслан Мырсатаев, Арман Рысбек және Ибрагим Ескендір сынды боксшыларымыз шаршы алаңда өнер көрсетеді. Азиялық деңгейде мұндай бокс кеші Ақтөбе қаласында алғаш рет ұйымдастырылғалы отыр. Кештің құрметті қонақтары ретінде кәсіби бокстан WBA ABCO Continental нұсқасы бойынша Әлем чемпионы Қанат Ислам, WBA нұсқасы бойынша әлем чемпионы Жанат Жақиянов, бокстан Олимпиада чемпионы Бақтияр Артаев және Олимпиада ойындарының екі дүркін күміс жүлдегері Әділбек Ниязымбетов қатысады.