Головкин үздік үштіктегі орнын сақтап қалды

Орта салмақта  Әлемнің экс-чемпионы отандасымыз Геннадий Головкин ESPN арнасының жаңартылған рейтингінде үздік үштіктегі орнын сақтап қалды. Айта кетейік, ESPN телеарнасы бокс кештерін көрермен назарына ұсынатын беделді арналардың бірі.

Жаңартылған рейтингте қазақстандық боксшы өнер көрсететін орта салмақта біршама  өзгерістер орын алған. Алғашқы үштік өз орындарын сақтап қалды. Бірінші орында Головкиннің соңғы қарсыласы мексикалық Сауль Альварес болса, үздік үштікті Даниэл Джейкобс түйіндеп тұр.

 Ал, Риота Мурата жас боксшы Роб Брантқа ұтылып қалуына байланысты алғашқы ондықпен қош айтысты. GGG-дың бұрынғы қарсыласы Давид Лемье сегізінші орынға сырғыды.

Орта салмақ бойынша ESPN арнасының үздік боксшылар тізімі:

1. Сауль Альварес

2. Геннадий Головкин

3. Дэниэл Джейкобс

4. Билли Джо Сондерс

5. Джермалл Чарло

6. Сергей Деревянченко

7. Деметриус Эндрейд

8. Давид Лемье

9. Роб Брант

10. Мартин Мюррей