«QAZSPORT» телеарнасы бокстан Қазақстан біріншілігін тікелей эфирде көрсетеді
2018 жылдың 12-18 қараша аралығында Ақтау қаласында «Маңғыстау Аренада» бокстан Қазақстан чемпионаты өтеді.
Бұл біріншілікке еліміздің 14 облысы мен Алматы, Астана қалаларының ең үздік былғары қолғап шеберлері бақтарын сынайды.
Айта кетейік, чемионатта Рио-де-Жанейро Олимпиадасының күміс жүлдегері Василий Левит, әлем чемпионы Қайрат Ералиев, Әлем чемпионатының күміс жүлдегері және Азия чемпионатының қола жүлдегері Әбілхан Аманкұл, Әлем чемпионатының күміс жүлдегері Қамшыбек Қонқабаев, Әлем чемпионатының қола жүлдегері Абылайхан Жүсіпов бағын сынап көрмек.
Біріншілік қорытындысы бойынша Ұлттық құрама жаңарып, 2020 жылғы Токио Олимпиадасына дайындық кезеңі жалғасады.
Бокс турнирін «QAZSPORT» телеарнасы бір апта бойы тікелей эфирде көрсетеді.
