«Күміс жұдырықты» Әділбек Ниязымбетов карьерасын аяқтағанын мәлімдеді
2012 жылғы Лондон және 2016 жылғы Рио-де-Жанейрода өткен Олимпиада ойындарының күміс жүлдегері Әділбек Ниязымбетов карьерасын аяқтағанын мәлімдеді.
Әділбектің ұлттық құрама мен шаршы алаңнан кететіні туралы ақпар Ақтаудағы Қазақстан біріншілігі қарсаңында белгілі болды. Дегенмен боксшының мұндай шешім қабылдауына не себеп болғаны туралы нақты ақпарат айтылған жоқ.
Қазақстан чемпионаты аяқталысымен және жаңа құрама қалыптасқан соң, Қазақстан құрамасының бапкерлер штабы жаңа капитанды тағайындайды.
