Ерлан Серікжанов "Grand Slam" турнирінің күміс жүлдегері
Ерлан Серікжанов Абу-Дабиде өтіп жатқан «Grand Slam» турнирінің күміс жүлдегері атанды. 66 келіге дейінгі салмақта сынға түскен отандасымыз финалда грузин балуаны Важа Маргвелашвилиге есе жіберді.
Ерлан Серікжанов алғашқы белдесуде португалиялық Жоао Крисостомоны, екінші айналымда түркіменстандық Батыр Гурбаниязовты, кейін ширек финалда Барух Шамиловты жеңді. Ал жартылай финалда испаниялық Гайтеро Маритин Альбертоны вазари ұпайымен ұтқан болатын.
Сондай-ақ, «Grand Slam» турнирінде Қазақстан қоржынында тағы екі қола медаль бар. 60 келіге дейінгі салмақта күрескен Ғұсман Қырғызбаев жұбаныш финалында бельгиялық Жорри Верстритенді вазаримен ұтса, 81 келіге дейінгі салмақта татамиге шыққан отандасымыз Дидар Хамза жұбаныш финалында Әлем чемпионы иран балуаны Саид Моллаидан басым түсті.
