Ұлттық спортты дәріптейтін «Дарабоз дәстүр» жыр мүшәйрасы өтеді
Қазақстан Республикасы Ұлттық спорт түрлері қауымдастығы Тәуелсіздік күні қарсаңында 2014 жылғы ұлттық спорттың үздіктерін марапаттауға арналған «Алтын тұғыр» шарасын өткізеді.
Іс-шара аясында жас ақындар арасында ұлттық спортты насихаттайтын мүшәйра ұйымдастырылып отыр. «Дарабоз дәстүр» атты осы мүшәйраға жасы 35-ке дейінгі жазба ақындар қатыса алады.
Ақындар мүшәйраға ұлттық спорттың кез келген түрін сипаттаған, яғни, бәйге, аударыспақ, көкпар, теңге ілу, қыз қуу, жамбы ату, асық ату, тоғызқұмалақ секілді ұлттық ойындар туралы бұрын ешқайда жарияланбаған жырларын ұсына алады, деп хабарлайды Ұлттық спорт түрлері қауымдастығының ресми сайты.
Байқауға жасы 35-ке дейінгі барлық ақын қатыса алады. Өлеңдер 2014 жылғы 10-желтоқсанға дейін қабылданады. Бас жүлде – 150 мың теңге.
