Тәуелсіздік күніне орай Бұқпа тауының баурайында бүркітшілер бас қосты
Көкшетаудағы Бұқпа тауының баурайында Тәуелсіздік күні мен атақты бүркітші Мәсіп Батырханұлын еске алуға арналған құсбегілер арасында республикалық чемпионат өтті.
Астана қаласы және Қарағанды, Қызылорда, Атырау, Ақмола облысының бүркітшілері құстың бабын келтіру, қолға шақыру, еркін ұшыру, шырғаға, қоянға, түлкіге салудан сынға түсті.
Бұл бәсекелерде Астана қаласының намысын қорғаған Серікбек Күнтуған жеңімпаз атанды. Ал, екінші және үшінші орындар Атырау облысы және Елорда өкілдеріне бұйырды.
