«Қазақстан Барысы-2015» жеңімпазына ҚР Президенті атынан төсбелгі табысталды
Елбасы Н.Назарбаевтың тапсырмасы бойынша Мәдениет және спорт министрі А.Мұхамедиұлы «Қазақстан Барысы» V республикалық турнирінің жеңімпазы Бейбіт Ыстыбаевқа жоғарғы белгі - төсбелгі табыстады.
4 шілдеде Бейбіт Ыстыбаев «Қазақстан Барысы-2015» республикалық турнирінің финалында қызылордалық Руслан Әбдіразақовтан басым түсіп, жеңімпаз атанған. Жеңімпаз 150 мың доллар көлеміндегі сыйлық пен чемпиондық белбеуге және алтын тайтұяққа ие болды.
Арыстанбек Мұхамедиұлы турнирде Б.Ыстыбаев шеберлігін ғана емес, алға жылжуға деген құштарлығы ерекше екенін атап өтті.
