«Kazsport» телеарнасы «Бүкіләлемдік көшпелілер ойындарының» ашылу рәсімін тікелей эфирде көрсетеді
Бүгін 3-қыркүйек күні Қырғызстанда екінші «Бүкіләлемдік көшпелілер ойындары» басталады. Спорттық шара биылғы жылдың 8-қыркүйегіне дейін жалғасады.
«Бүкіләлемдік көшпелілер ойындары» - Еуразия континентіндегі мән-маңызы зор оқиғалардың бірі. Онда әлемнің 53 елінің өкілдері дәстүрлі спорт ойындары бойынша өнер көрсете отырып, өз елдерінің намысын қорғайды. Бұл – әйгілі көшпелілер өркениетін, яғни біздің ата-бабаларымыздың бай мәдениетін көрсетіп қана қоймай, оны этноспорт арқылы дамыту болып табылады.
Оған қатысатын 75 спортшы осы жарыста 21 спорт түрінен еліміздің намысын қорғайды.
Аталмыш шараға баратын қазақстандық делегация құрамы жетекшілер, бапкерлер мен медицина қызметкерлерін қоса алғанда 130 адамды құрады.
«Бүкіләлемдік көшпелілер ойындарының» ашылу салтанатын «Kazsport» телеарнасы тікелей эфирде көрсетеді.
Басталуы 20-00-де.
