1-2 маусым күндері Теңге ілу және Аударыспақтан Азия Чемпионаттары өтеді

Бүгін Орталық коммуникациялар қызметінің баспасөз залында Теңге ілуден ІІ және Аударыспақтан ІІІ Азия Чемпионатын өткізуге байланысты баспасөз конференциясы өтті. Шараға ҚР Мәдениет және спорт министрі Арыстанбек Мұхамедиұлы, ҚР Ұлттық спорт қауымдастығы президенті, Мәжіліс депутаты Бекболат Тілеухан қатысты.

 

Аталған чемпионаттарға 9 елден (Қазақстан, Өзбекстан, Қырғызстан, Тәжікстан, Моңғолия, Ресей, Ауғанстан, Қытай,  Түркия) 54 спортшы, ал жалпы жарысқа қатысатын делегация мүшелерін қосқанда, 100-ге тарта адам қатысуы жоспарланған.

 

Теңге ілуден ІІ Азия және Аударыспақтан ІІІ Азия чемпионаттарының жалпы жүлде қоры – 14 000 000 теңге.

 

Сондай-ақ, теңге ілуден ІІ Азия Чемпионатын өткізу регламентіне сәйкес, жарысқа 18-ге толған, жеке басын куәландыратын құжаты бар спортшы қатысады. Жарыс 5 салмақ және абсолюттік салмақ дәрежесі бойынша (60 кг., 80 кг., 90 кг., және 90 келіден жоғары) өткізіледі.

 

Аударыспақтан Азия чемпионатына  9 мемлекеттен 44 спортшы қатысады.

 

Биылғы қос чемпионат «Астана қаласының 20 жылдығын мерекелеу» аясында ұйымдастырылмақ.

          «Мәдениет және спорт министрлігі соңғы уақытта ұлттық спорт түрлерінің дамуына аса үлкен назар аударып келеді. Бұл дегеніңіз – тарихты, тарихи санамызды жаңғырту. Биыл Астана өзінің 20 жылдығын мерекелейді. Осындай маңызды дата қарсаңында біздің ведомство мәдени шаралармен бірге, спорттық сайыстарды даярлап жатыр. Теңге ілу мен Аударыспақтан өтетін Азия Чемпионаттарына онға тарта елдің  спортшылары келеді деп жоспарланған»,- деді министр Арыстанбек Мұхамедиұлы.

 

Аталған спорттық шараларға ЮНЕСКО-ның Дәстүрлі спорттар мен ойындар комитеті  өкілдерінің қатысуы жоспарланған.  ҚР Ұлттық спорт қауымдастығының президенті Бекболат Тілеуханның пікірінше,  ЮНЕСКО атынан дәрежелі қонақтардың келуі – еліміздегі ұлттық спорттың даму қарқынына деген әлемдік қауымдастықтың қызығушылығының көрінісі.

 

«ЮНЕСКО өкілдері шараға келетіндіктерін растады. Біздің ұлттық ойындардан өтетін Азия чемпионаттарына халықаралық ұйым өкілдерінің назар аударуы – этноспорттың келешекте әлемдік деңгейге шығуынан үміттендіреді. Бұл ретте Мәдениет және спорт министрлігі ұлттық спортты өркендету жөніндегі бастамаларымызға үнемі қолдау білдіріп келетінін айрықша атағым келеді»,-деді Бекболат Тілеухан.

 

Сондай-ақ, баспасөз мәслихатында ҚР Ұлттық спорт қауымдастығының «Астананың 20 жылдығына 20 ұлттық-спорттық іс шара» кампаниясын бастағаны мәлім болды. 

Танымал жаңалықтар

Соңғы жаңалықтар

  • Жаңалықтар
Астана қаласында V дүниежүзілік көшпенділер ойындарына іріктеу жарысының орталық аймақтық кезеңі өтті
  • Жаңалықтар
Александр Бублик АТР 250 турнирінің жеңімпазы болды
  • Жаңалықтар
  • Бокс
Қазақстан бокс федерациясына жаңа басшы сайланды
  • Жаңалықтар
Елімізде «Арқан Тартыс» федерациясы жұмысын бастады
  • Жаңалықтар
  • Футбол
Италия Суперкубогының ойындары «Qazsport» телеарнасының тікелей эфирінде
  • Жаңалықтар
Елена Рыбакина WTA 500 турнирінің жартылай финалына жолдама алды
  • Жаңалықтар
Түркістан облысы көш бастады: ұлттық спорт бойынша аймақтардың рейтингі шықты
  • Жаңалықтар
Рапид және Блицтен Әлем Чемпионаты
  • Жаңалықтар
Алматыда дзюдодан халықаралық «Jenys Cup» турнирі өтеді
  • Жаңалықтар
  • Футбол
«Qazsport» телеарнасы футболдан Словения және Сербия чемпионаттарының ойындарын тікелей эфирде көрсетеді
  • Жаңалықтар
Алматы облысында шахматтан «KONAEV CUP – 2023» екінші халықаралық турнирі өтті
  • Жаңалықтар
  • Дзюдо
Дзюдодан Қазақстан Чемпионаты. 1-күн
  • Жаңалықтар
Арайлым Әбенова - самбодан Әлем Чемпионы
Астанада дзюдодан Қазақстан Чемпионаты өтеді
Астана қаласында бокстан Жазғы Спартакиада өтеді
  • Жаңалықтар
Алматыда каратеден WKF Азия Чемпионаты өтіп жатыр
  • Жаңалықтар
  • Теннис
Елена Рыбакина WTA Finals турнирінде жеңіске жетті
  • Жаңалықтар
  • Футбол
Лионель Месси - «Алтын Доп» жүлдесінің жеңімпазы
  • Жаңалықтар
Азиада 2022: Еліміздегі федерациялар есеп берді
  • Жаңалықтар
«Барыс» сырт алаңда өткізетін ойындарға арналған құрамын жариялады