Теңге ілуден және аударыспақтан Азия чемпионаттары аяқталды

Елорда төрінде екі күнге созылған Теңге ілуден ІІ Азия чемпионаты, Аударыспақтан ІІІ Азия чемпионаты аяқталды. Жарысқа Қазақстан, Өзбекстан, Қырғызстан, Тәжікстан, Моңғолия, Ресей, Ауғанстан, Қытай,  Түркия мемлекеттерінің  алпысқа жуық спортшылары бақ сынады.

 

Жүйрік атпен құйғыта шапқан бетте көз ілеспес шапшаңдықпен түйіншектегі теңгелерді бірінен соң бірін іліп алған теңге ілуші жігіттердің сайысы қалың жанкүйердің көңілін бір серпілтті. 9 мемлекет спортшыларының арасынан ақтық сынға санаулы саңлақтар суырылып шықты. Нәтижесінде теңге ілуден  ІІ Азия чемпионаты жүлделерінің екеуін қазақстандық спортшылар ұтып алды. Алтын медаль мен 1 500 000 теңге сыйлық  Мағжан Сапарбекке бұйырды. Күміс жүлде мен 700 000 мың теңге сыйлықты Ғалымжан Ізжанов иеленді. Қола жүлде мен 500 000 теңге сыйлықты Қырғызстан спортшысы Амантур Минуур уулы қанжығасына байлады.

 

Аударыспақтан ІІІ Азия чемпионатының жүлдесі де 9 мемлекет командалары арасында сарапқа салынды. 60 келі, 70 келі, 80 келі,  90 келі  және 90 келіден жоғары салмақ бойынша сынға түскен балуандар сайысы қалың көпшілікті бей-жай қалдырмады. Азияның тақымы тастай, құрыш білекті, түкті жүректі жігіттері екі күн бойы ат үстіндегі жекпе-жекте алуан әдіс, сан тәсілге салып бақты. Қапысын тауып қарсыластарын сан соқтырған 15 балуан 5 салмақ бойынша ІІІ Азия чемпионатының жүлдесін қанжығаларына байлады. Елорданың 20 жылдығы мерекесіне орай ұйымдастырылған Аударыспақтан ІІІ Азия чемпионатының жеңімпаздары мен жүлдегерлерінің толық тізімі:

60 келі салмақ бойынша:

Алтын медаль – Азамат Серғазин (Қазақстан Республикасы)

Күміс медаль – Матей Базарбай (Моңғолия)

Қола медаль – Акыл Саганбеков (Қырғызстан Республикасы)

70 келі салмақ бойынша:

Алтын медаль – Шыңғысхан Ержанов  (Қазақстан Республикасы)

Күміс медаль – Ахмаджан Мохаммад Исхад (Ауғанстан)

Қола медаль – Азирет Бакболотулуу (Қырғызстан Республикасы)

80 келі салмақ бойынша:

Алтын медаль – Есімхан Рахматілла (Қазақстан Республикасы)

Күміс медаль – Амантур Минуруулу  (Қырғызстан Республикасы)

Қола медаль – Серік Жеңісбек  (Монғолия)

90 келі салмақ бойынша:

Алтын медаль – Сырым Ізбасаров (Қазақстан Республикасы)

Күміс медаль – Фарход Холов  (Тәжікстан Республикасы)

Қола медаль – Байысғалан Досжан  (Монғолия)

+ 90 келі салмақ бойынша:

Алтын медаль – Біржан Қосалиев (Қазақстан Республикасы)

Күміс медаль – Ихтяер Толипов  (Өзбекстан Республикасы)

Қола медаль – Думан Жұмабайұлы  (Қытай Халық Республикасы)

 

 

Қоғамда ұлттық спорт түрлеріне деген қызығушылықты арттыру, жастарды отансүйгіштікке, патриоттық рухқа тәрбиелеу және Ұлттар арасындағы достық пен өзара татулық қатынастарды нығайту мақсатында ұйымдастырылатын осынау Ұлттық спорт жарыстары көзделген меже үдесінен көрінуде. Мәселен, Астанада өткен Азия чемпионаттарын ЮНЕСКО-ның Дәстүрлі спорттар мен ойындар комитетінің өкілдері арнайы келіп тамашалауының өзі көп жайтты аңғартса керек.

Еске салып өтсек, 2015 жылы Астанада өткен Теңге ілуден І Азия чемпионатына Азияның 8 мемлекеті қатысқан болатын. Ал, Аударыспақтан І Азия чемпионаты 2014 жылы Астана қаласында,  ІІ Азия чемпионаты 2016 жылы ҚХР Іле Қазақ автономиялы облысында ұйымдастырылды.

 

 

 

ulttyqsport.kz

Танымал жаңалықтар

Соңғы жаңалықтар

  • Жаңалықтар
Алматы облысында шахматтан «KONAEV CUP – 2023» екінші халықаралық турнирі өтті
  • Жаңалықтар
  • Дзюдо
Дзюдодан Қазақстан Чемпионаты. 1-күн
  • Жаңалықтар
Арайлым Әбенова - самбодан Әлем Чемпионы
Астанада дзюдодан Қазақстан Чемпионаты өтеді
Астана қаласында бокстан Жазғы Спартакиада өтеді
  • Жаңалықтар
Алматыда каратеден WKF Азия Чемпионаты өтіп жатыр
  • Жаңалықтар
  • Теннис
Елена Рыбакина WTA Finals турнирінде жеңіске жетті
  • Жаңалықтар
  • Футбол
Лионель Месси - «Алтын Доп» жүлдесінің жеңімпазы
  • Жаңалықтар
Азиада 2022: Еліміздегі федерациялар есеп берді
  • Жаңалықтар
«Барыс» сырт алаңда өткізетін ойындарға арналған құрамын жариялады
  • Жаңалықтар
  • Футбол
Қазақстан құрамасы камбэк жасап, Финляндия құрамасын жеңді
  • Жаңалықтар
  • Бокс
Жәнібек Әлімханұлы IBF нұсқасы бойынша Әлем Чемпионы
  • Жаңалықтар
  • Бокс
«Қазақстан» телерадиокорпорациясы Жәнібек Әлімханұлының жекпе-жегін тікелей эфирде ұсынады
  • Жаңалықтар
  • Күрес
Мейіржан Шермахнбет - Азия ойындарының күміс жүлдегері
  • Жаңалықтар
Азиада 2022: Кезекті жарыс күнінің қорытындысы
  • Жаңалықтар
Жансель Дениз және Смайыл Дүйсебай – Азия ойындарының қола жүлдегерлері
  • Жаңалықтар
Мергендер құрама қоржынына екінші және үшінші алтынды салды
Әділбек Мусин – Азия ойындарының қола жүлдегері
  • Жаңалықтар
ХІХ жазғы Азия ойындарында ел қоржынына алғашқы алтын жүлде түсті
  • Жаңалықтар
Эльмир Алимжанов – Азия ойындарының қола жүлдегері