«Алматы» баскетбол клубы Ресей суперлигасында ойнайды
Мәскеуде өткен баскетболдан ерлер арасындағы Ресей суперлигасында Алматы мен Ижевск қалаларының клубтарын 2014/2015 жылғы маусымға қабылдау өтініштері қаралды.
Дауыс беру нәтижесінде бұл клубтардың өтініштері қанағаттандырылып, «Алматы» және «Родники» клубтары Ресей суперлигасында ойнайтын болды. Бұл чемпионат – маңыздылығы жағынан Ресейдегі екінші турнир.
Сонымен қатар, «Алматы» баскетбол клубы бапкер ауыстырды. Енді қазақстандық клубты ресейлік маман Андрей Чернов жаттықтырады. Ол баскетболдан Ресейдің жасөспірімдер және жастар құрамасымен жұмыс істеген. Оның шәкірттері екі рет Еуропа чемпионатында төрінші орынға іліккен.
