«Астана» баскетболшылары Мәскеуде ЦСКА-ға есе жіберді

«Астана» баскетболшылары ВТБ Біріккен Лигасы аясында плей-офф сериясының ширек финалдық кездесуінде мәскеулік ЦСКА командасынан ұтылып қалды. Кездесу нәтижесі –60:110. Өз алаңындағы кездесуде мәскеуліктер Андрей Воронцевич, Александр Каун мен Милош Теодосичтердің шеберліктері арқылы алғашқы минуттан бастап ойын тізгінін қолдарына алып, нәтижесінде жеңіс тойын тойлады. Осылайша, ЦСКА серияда 2:0 есебімен алға шықты. Командалар сапындағы үздіктер: ЦСКА: Манучар Маркоишвили – 18 ұпай; Нандо Де Коло – 15 ұпай, 7 іріктеу; Александр Каун – 13 ұпай, 6 іріктеу; Виктор Хряпа – 12 ұпай, 7 іріктеу, 6 пас беру, 3 қағып алу; Сонни Уимс – 10 ұпай, 5 пас беру, 3 қағып алу; Аарон Джексон – 8 ұпай, 9 пас беру. «Астана»: Павел Ильин – 16 ұпай; Антон Пономарев – 15 ұпай; Рашид Махалбасич – 8 ұпай, 7 іріктеу, 3 пас беру. Фото: cskabasket.com