Ақтық сынға алты боксшымыз шықты, қоржынымызда қос қола

Бүгін, Алматыда өтіп жатқан бокстан Әлем чемпионатында жартылай финал жекпе-жектері аяқталды. Ақтық сынға 6 қазақстандық боксшы жолдама алды. 49 келіде Біржан Жақыпов Куба боксшысы Йосбани Веитиа Сотоны айқын басымдықпен ұтты. 64 келіде Мерей Ақшалов бразилиялық Эвертон Лопесті жеңді. 69 келіде Данияр Елеусінов неміс боксшысы Аражик Марутянға еш мүмкіндік бермеді. 75 келіде Жәнібек Әлімханұлының қарсыласы - ағылшын Энтони Фаулер жарақатына байланысты жекпе-жекке шықпады. 81 келіде Әділбек Ниязмбетов өзбекстандық Ойбек Мамазулуновты есеңгіретті. Аса ауыр салмақта Иван Дычко Германия боксшысы Эрик Пфайферді ұтты.

Ал 56 келіде Қайрат Ерәлиев пен 60 келіде Берік Әбдірахманов Әлем чемпионатының қола жүлдегері атанды. Олар жартылай финалда қарсыласынан ұпай санымен ұтылды.

Назарларыңызға, Әлем чемпионатының он салмақтағы финалдық жекпе-жектерін ұсынамыз:

49 келі. Біржан Жақыпов (Қазақстан)- Мохамед Флисси (Алжир);

52 келі. Жасурбек Латипов (Өзбекстан) - Миша Алоян (Ресей);

56 келі. Джавид Чалабиев (Әзірбайжан) -Владимир Никитин (Ресей);

60 келі. Робсон Консейсао (Бразилия) - Лазаро Эстрада (Куба);

64 келі. Мерей Ақшалов (Қазақстан) - Ясниер Лопес (Куба);

69 келі. Данияр Елеусінов (Қазақстан) - Ариснойдис Деспанье (Куба);

75 келі. Жәнібек Әлімханұлы (Қазақстан) - Джейсон Куигли (Ирландия);

81 келі. Әділбек Ниязымбетов (Қазақстан) - Хулио Пераса (Куба);

91 келі. Клементе Руссо (Италия) - Евгений Тищенко (Ресей);

+91 келі. Иван Дычко (Қазақстан) - Магомедрасул Меджидов (Әзірбайжан).

Финалдық жекпе-жектер, ертең, 26 қазан күні 13-50-де басталады. Барлық жекпе-жекті «KAZsport» телеарнасы тікелей эфирде көрсетеді. Сонымен қатар, kazsporttv.kz сайтынан көруге болады.