Сочи Олимпиадасына екі жеңіл атлет қатысады
Жеңіл атлетикадан АҚШ құрамасының бұрынғы екі спортшысы Сочи Олимпиадасында шана спортынан (бобслей) сынға түспек. Олар 2012 жылы жазғы Лондон Олимпиадасында 100 метрге жүгіруде эстафеталық жарыстан алтын медаль иеленген Лорин Уильямс және кедергілер арқылы жүгіруден екі дүркін Әлем чемпионы Лоло Джонс.
«Мен жеңіл атлетикандан Олимпиада алтынын ала алмадым, сол үшін шана спортынан таласқа қайта түсемін», - дейді Бейжің және Лондон Олимпиадасының қатысушысы Лоло Джонс.
Бұған дейін 8 америкалық спортшы жазғы және қысқы Олимпиада ойындарына бірдей қатысқан, деп жазады Euronews.
