Сочи Олимпиадасының медиаорталығы жұмысын бастады
Бүгін, Сочиде қысқы Олимпиада ойындарының бас медиаортылығы жұмысын бастады. Айта кетейік, Ақ Олимпиаданың басталуына тура бір ай қалды. Орталық Олимпиадалық саябақтың жанында орналасқан. Оның көлемі 158 мың шаршы метрді құрайды.
23 қаңтардан бастап медиаорталық күні-түні қызмет атқармақ. Онда бір уақытта 6,5 мыңға жуық журналист жұмыс істейді. Медиаорталықтың құрылысы 2010 жылы басталып, ғимараттың құрылысына заманауи технологиялар қолданылған.
Телерадиокомпания, газет-журнал және ақпарат агенттіктерінің өкілдері отыратын орын медиаорталықтың екінші деңгейінде орналасқан. Төменгі қабат асхана мен әртүрлі қызмет үлгілеріне арналған. Ал жоғары бөлігі техникалық қызметке берілген. Сонымен қатар, кешенде бұқаралық ақпарат құралдары өкілдеріне арналған қонақүй бар.
24 қаңтар күні тау кластерінде орналасқан тағы бір медиорталық ашылады.
