Әлем чемпионаты – 2015. Елдос Сметов дзюдодан Әлем чемпионатының жартылай финалына шықты
Қазақстандық 60 келідегі палуан Елдос Сметов жартылай финалдық бәсекеге дейін мексикалық Набора Кастилло, саударабиялық Еис Махрашиді және ширек финалда өзбекстандық Диорбек Урозбоевты жеңді.
Жартылай финалда Елдос Сметов жапониялық Тору Шишимемен белдеседі.
Сондай-ақ, жартылай финалға тағы бір қазақстандық Рустам Ибраев шыққан болатын. Ол жартылай финалда моңғолиялық Болдбаатар Ганбатпен белдеседі.
Айта кетейік, жартылай және финалдық кездесуді 17:00-де «Қазақстан» Ұлттық телеарнасымен «KAZsport» арнасынан тікелей эфирде тамашалай аласыз.
