Бүгін - Абзал Рақымғалиев, Денис Тен және Екатерина Айдова сынға түседі

Жарыс жолына алдымен шаңғышы қыздар шығады. 10 шақырымға созылатын классикалық стиль бәсекесінде ел намысын Татьяна Осипова, Елена Коломина және Анастасия Слонова қорғайды. Жарыс 16:00-де басталады.

Шорт-тректен 5000 метрге созылатын эстафеталық жарысқа Абзал Ажғалиев, Айдар Бекжанов, Аслан Даумов, Нұрберген Жұмағазиев және Денис Никиша қатысады. «KAZsport» телеарнасы 17:30-де тікелей эфир ұсынады.

Конькимен жүгіруден 1000 метрлік қашықтықта Екатерина Айдоваға жанкүйер боламыз. Жарыстың басталу уақыты – 20:00.

Бұл уақытта биатлоншылар да жарыс жолына шығады. 20 шақырымға созылатын жекелей сында Ян Савицкий, Антон Пантов, Сергей Наумик және Александр Трифонов жанкүйерлерді қуантуға тырысады.

Жарыс күнін мәнерлеп сырғанаушылар қорытындылайды. «Айсберг» сарайының мұзайдынына 30 спортшы шығады. Оның ішінде қазақстандық Абзал Рақымғалиев пен Денис Тен бар. «KAZsport» телеарнасы тікелей эфир жүргізеді. Басталуы – 21:00.