Сочи Олимпиадасында ағайынды спортшылардың жолы болуда

Сочи мұзайдынында голландиялық конькимен жүгірушілерге ешкімге тең келер емес.  Оның үстіне голландиялықтар қуанышы еселене түсті. Жеңіс тұғырына егіздер Мишель және Рональд Мюльдер бірдей көтерілді. 500 метрлік қашықтықта Мишель «алтын» алса, Рональд «қоланы» еншіледі. Кейін 1000 метрлік қашықтықта Мишель «қоланы» жеңіп алды.

Сочи Олимпиадасында шана спортынан австриялық ағалы-інілі Андреас және Вольфганг Лингер күміс жүлдені жеңіп алды.  Атақты спортшылар бұған дейін Турин және Ванкувер Олимпиадасының «алтынын» алған еді.

Латвия еліне Сочи Олимпиадасының алғашқы жүлдесін ағайынды Андрис және Юрис Шицсы  сыйлады. Олар шана спортынан «қола» жүлдені еншіледі.

Сочи Олимпиадасында фристайл бәсекесіне канадалық апалы-сіңілі үш спортшы  қатысты. Могул жарысында Жюстин Дюфур-Лапуан «алтын» алса, Хлоэ Дюфур-Лапуан «күміске» ие болды. Ал олардың апасы Максим 12-ші орыннан көрінді.

Биатлон бәсексіне украиналық апалы-сіңілі Вита және Валя Семеренко қатысты. 7,5 шақырымға созылған спринтте Вита «қоланы» жеңіп алса, Валя 12-ші орынға тұрақтады.

Алдағы күндері Олимпиада ойындарының жүлдесіне швейцариялық апалы-сіңілі биатлоншылар Аита, Элиза  және Селина Гаспариндер де таласады. Әзірге Элиза Гаспарин жоғары нәтиже көрсетті. Ол спринттік жарыста 8-ші орынға ие болды.