Шорт-трек: Бекжанов, Жұмағазиев, Симонова

Бүгін Сочи Олимпиадасында шорт-трек бәсекелері өтеді. 1000 метрлік қашықтағы әйелдер бәсекесіне еліміздің жалғыз үміті Инна Симонова қатысады.  Іріктеу кезеңіне қатысушылардың саны – 32. Әр айналымдағы төрт спортшының тек екеуі келесі кезеңге өтеді.

Инна Симонова екінші айналымда үшінші орында жарыса қосылады. Оның қарсыластары - Эмили Скотт (АҚШ), Катерина Новотна (Чехия), Сын Хи Пак (Корея). Бұған дейін, қазақстандық шорт-трекші 500 және 1500 метрлік қашықтықта сынға түсіп, іріктеуден аса алмады.

Сонымен қатар, бүгін ерлер арасында 500 метрлік қашықтықтың іріктеу кезеңі өтеді. Бесінші айналымда жарыс жолына шығатын Айдар Бекжанов бірінші орыннан бастайды. Оның бәсекелестері - Джон Или (Ұлыбритания), Джордан Мэлоун (АҚШ), Виктор Ан (Ресей).

Ал төртінші айналымда алтыншы орында жүгіретін Нұрберген Жұмағазиевтің қарсыластары - Виктор Кнох (Венгрия), Дацзин У (Қытай), Нильс Керстхольт (Голландия).

Сочидегі «Айсберг» аренасында өтетін шорт-трек бәсекелерін «KAZsport» телеарнасы тікелей эфирде көрсетеді. Трансляцияның басталу уақыты – 15:25.