Футболдан Әлем чемпионатына қатысты викторина жеңімпаздары бағалы сыйлықтарға ие болады

«Қазақстан» РТРК» АҚ Бразилияда өтетін футболдан Әлем чемпионаты қарсаңында көрермендер үшін интеллектуалдық сайыс жариялағанын бұдан бұрын хабарлағанбыз.

Әлемнің кіл мықты командалары бақ сынайтын дүбірлі дода туралы Ұлттық телеарнадағы «Таңшолпан» бағдарламасы күн сайын ақпар беріп, 28 сәуірден бастап, көрермендерге викториналық сұрақтар жолдауда.

Күн сайын тікелей эфирде айтылған сауалға «Таңшолпан» бағдарламасының tankaz.kz сайтына кіріп, жауап беруге мүмкіндік бар. Осылайша, 30 сауалдың барлығына дұрыс жауап берген көрермендерге бағалы сыйлықтар ұсынылады.

Сұрақтардың жауабын дәл тапқандар төмендегідей сыйлықтарға ие болады:

I орын - Түркияға ұшақтың екі билеті (барып-қайту, бизнес-класс);

 II орын - теледидар;

III орын – IPad

Ынталандыру сыйлығы - чемпионат эмблемасы, телеарналар логотипі таңбаланған 5 футбол добы, 5 шарф, 5 орамал.

Жеңімпаздың есімі 6 маусымда, Әлем чемпионаты басталғанға дейін бір апта бұрын белгілі болады.

Айта кету керек, байқауға корпорация қызметкерлері және еліміздегі футбол спортына қатысы бар мекемелердің өкілдері қатыса алмайды.

Еске сала кетейік, әлемдік доданы «Қазақстан» Ұлттық телеарнасы мен «KAZsport» телеарнасы тікелей эфирде көрсетеді.