ФИФА Әлем чемпионаты матчтарының уақытын өзгерту жөніндегі талапты қабылдаған жоқ

Халықаралық футбол қауымдастығы федерациясы Бразилияның Кәсіби  спортшылары  федерациясының (ФПСБ) аптап ыстыққа байланысты  Әлем чемпионатының  12 маусым мен 10 шілде аралығындағы бірқатар ойындарының басталу уақытын  өзгерту жөніндегі талабын қабылдаған жоқ, деп хабарлайды ҚазАқпарат.

Бразилияның Кәсіби  спортшылары  федерациясы мен Бразилия футболшыларының кәсіподағы ФИФА-ға 24 матчтың басталуын Астана уақытымен 22:00-ден 01:00-ге ауыстыруын ұсынған еді.

ФИФА басшылығы екі жыл бойы ұйымның  матчтың басталуы уақытын саралағанын және осы кезең ішінде ойыншылардың денсаулықтары басты назарда болғанын мәлім етті. Олардың айтуынша, ойын уақытын  ауыстыру мүмкін емес.