Қазақстандық боксшылар Бразилияға жол тартты (ФОТО)

Бүгін түнгі екіде бокстан ерлер құрамасы (10 адам) және әйелдер (2 адам) Олимпиада ойындары өтетін Бразилияға аттанды. Құраманы шығарып салуға спортшылардың туыстары мен жанкүйерлер келді. «Көңіл-күйіміз жақсы. Көңіл-күйімізді жеңіске бағыттадық, - деп ойымен бөлісті Дариға Шәкімова. – Болжап ештеңе айта алмаймын, өйткені бокс – болжауға келмейтін спорт. Қарсыластарыммен бұрын кездескенмін, жақсы танимын. Басты қарсыласым – әлемнің екі дүркін чемпионы, Олимпиада чемпионы американдық Кларесса Шилдс. Марина Вольнова «Ең бастысы – дайындық пен өзіңе деген сенім» деп кеңес берген еді. Мен еліме жеңіс алып келу үшін бара жатырмын». «Олимпиада алдында екі жиын өтті. Қазір Бразилияға жеткен соң бір жұма жаттығып, ортаға үйреніп, жарысқа дайындалатын боламыз. Толқу жоқ, барлығы ойдағыдай. Бұл жарыс және ең бастысы барлығына жақсы дайындықпен келу», - деді Василий Левит. Ұлттық құраманың бас бапкері Мырзағали Айтжанов та Риоға жеңістерге деген ұмтылыспен бара жатқанын айтты: «Барлық жиындар жемісті өтті. Мемлекет тарапынан спортшылардың жоғары дайындығы үшін барлық жағдай жасалды. Сондықтан біз тек жеңіс үшін, жүлделер алып келу үшін бара жатырмыз». Құрама команда дәстүрлерін өзгертпей, спортшыларымыздың жоғары жетістіктерінің құпиясы болып табылатын жылқы етінен жасалған тағамдарды – қазы, қарта, жая – өздерімен бірге алуды ұмытпаған. Халықаралық бокс ассоциациясының сайтында жарияланған күнтізбеге сәйкес, боксшылар жекпе-жектері 6 тамызда, ал жартылай финал кездесулері 12 тамыз күні басталады. Дерек көзі: kfb.kz