Босния мен Нигерия футболшылары ашық ойынға дайын
Футболдан Әлем чемпионатының екінші турында F тобындағы екінші ойында Босния және Герцеговина мен Нигерия құрамалары кездеседі.
Аргентиналық футболшылардың шабуылынан құтылған Эдин Джеко және оның компаниясы мен ирандық футболшылардың қорғанысына соққы бағыттаудан шаршаған Нигерия құрамасы бүгінгі ойында жанкүйерлерге ашық ойын ұсынбақ. Жанкүйерлер мұндай футбол мерекесін асыға күтеді. Өйткені, ойында бірнеше гол соғылуы мүмкін.
Босниялық футбошылар Аргентина құрамасымен ойында сақтық танытып, алаңға бір шабуылшы - Джеконы шығарды. Бұл шабуылды құрастырушы Пьянич үшін қиынға түсті.
Дегенмен екінші таймда алаңға шыққан екінші шабуылшы Ибишевич жанкүйерлерге үміт сыйлады. Дегенмен, Босния және Герцеговина құрамасы бұл ойында бір голмен шектелді. Ал Джеко қақпаға тек бір қана тура соққы бағыттады. Өйткені, бас бапкер құраманың тактикалық ойынына өзгеріс енгізді.
Нигерия құрамасы да өз футболдарын ойнай алмады. Иран футболшыларсы басымдықты қарсыластарына толықтай берді. Алайда Нигерия құрамасының жылдам ойыншылары Мұса мен Мозес өз мүмкіндіктерін көрсете алмады.
Ал бүгінгі матчта екі құраманың да ашық футбол ойнауға мүмкіндіктері бар. Бұл өткір қарымта шабуылдармен жалғасын табуы да ықтимал. Көптен күткен ашық кеңістікті пайдалану үшін ұпайы жоқ босниялық футболшылары күшін салмақ.
Джеко мен Ибишевиче немесе Эменике мен Мұса жұбының қайсысы көп гол соғады? Бұл сауалаға жауап іздемей, ашық футболды тамашалаған жөн.
«Қазақстан» Ұлттық телеарнасы мен «KAZsport» телеарнасы бұл ойынды тікелей эфирде көрсетеді. Матч 22 маусымда Астана уақытымен 04:00-де басталады.
Босния және Герцеговина құрамасы:
Қақпашылар: Асмир Бегович («Стоук Сити», Англия), Ясмин Фейзич («Алемания», Германия), Асмир Авдукич («Борац»).
Қорғаушылар: Эмир Спахич («Байер», Германия), Сеад Колашинац («Шальке», Германия), Эрмин Бичакчич («Айнтрахт» Б, Германия), Огнен Враньеш («Элазигспор», Түркия), Тони Суньич («Заря», Украина), Авдия Вршаевич («Хайдук», Хорватия), Менсур Муйджа («Фрайбург», Германия).
Жартылай қорғаушылар: Звездан Мисимович («Гуйчжоу», Қытай), Харис Медуньянин («Газиантепспор», Түркия), Миралем Пьянич («Рома», Италия), Сеяд Салихович («Хоффенхайм», Германия), Сенад Лулич («Лацио», Италия), Изет Хайрович («Галатасарай», Түркия), Сенияд Ибричич («Эрджиеспор», Түркия), Эдин Втшча («Истанбулспор», Түркия), Тино Сушич («Хайдук», Хорватия), Мухамед Бешич («Ференцварош», Венгрия), Анел Хадзич («Штурм», Австрия).
Шабуылшылар: Эдин Джеко («Манчестер Сити», Англия), Ведад Ибишевич («Штутгарт», Германия).
Бас бапкер – Сафет Сушич
Нигерия құрамасы:
Қақпашылар: Винсент Эньема («Лилль», Франция), Остин Эджиде («Хапоэль» Б-Ш, Израиль), Чигози Агбим («Гомбе Юнайтед»).
Қорғаушылар: Элдерсон Эчиеджиле («Монако», Франция), Эфе Эмброуз («Селтик», Шотландия), Годфри Обоабона («Ризеспор», Түркия), Азубуйке Эгвуэкве («Уарри Вулвз»), Джувон Ошанива («Ашдод», Израиль), Джозеф Йобо («Норвич», Англия), Кунле Одунлами («Саншайн Старз»), Кеннет Омеруо («Челси»).
Жартылай қорғаушылар: Джон Оби Микел («Челси», Англия), Огеньи Онази («Лацио», Италия), Рамон Азиз («Альмерия», Испания), Рубен Габриэл («Беверен», Бельгия), Майкл Бабатунде («Волынь», Украина).
Шабуылшылар: Ахмед Мұса (ЦСКА, Ресей), Шола Амеоби («Ньюкасл», Англия), Виктор Мозес («Ливерпуль», Англия), Эммануэл Эменике («Фенербахче», Түркия), Питер Одемвингие («Стоук Сити», Англия), Майкл Учебо («Серкль Брюгге», Бельгия), Уче Нвофор («Херенвен», Голландия).
Бас бапкер - Стивен Кеши.
