Рио-де-Жанейроға әлемнің барлық аймақтарынан тілшілер келіп жатыр (ВИДЕО)
XXXI жазғы Олимпиада ойындарына 3 күн қалды. Рио-де-Жанейроға әлемнің әр түкпірінен тілшілер ағылуда. Ұйымдастырушылардың ақпараттары бойынша, осы уақытта 15 мыңға жуық БАҚ өкілдері тіркеліп үлгерді.
5 шілдеде ашылған Бас медиаорталықта бір мезетте 3 мыңға жуық журналистің жұмыс істеуіне қолайлы жағдай жасалған. Олимпиада кезінде баспасөз орталығы күндіз-түні жұмыс істейді.
Айта кетейік, Қазақстаннан Риоға 25 БАҚ өкілі келсе, оның алтауы - «Қазақстан» телерадиокорпорациясының қызметкерлері
